ماتفلت شيماتفلت شيحبيت نبارطاجي المقال العلمي هذا، للوضوح اللي فيه و التدابير الجديدة اللي لازم ناخذوها ضد فيروس الكورونا. الحاجة المهمة اللي لازم نعرفوها من توا: "ما نجموش نوقفو الفيروس بالخوف و الرهبة، لكن نجموا نوقفوه بالذكاء!" دونك، هاي قدامكم معلومات جديدة جاية من باحث في ووهان بعثوه Task Force بش يعمل بحث في خصوص هالوباء هذا. المعلومات هاذي واضحة، ساهلة و متوفرة للناس الكل، و المعلومات هاذي زادة توصف بالضبط كيفاش الفيروس يتعدا من عبد لعبد و كيفاش نجموا نقضوا عليه في حياتنا اليومية... دونك ما تبخلشي بش تقرا و كمل للاخر.
الالتهاب متاع coronavirus تبين انو مش كيما ال grippe وقتلي خشمك يجري ولا كحة بالبلغم ، اما ظهر العكس تماما، الكورونا يعطي كحة شايحة plutôt.
دونك هذا اول signale لازم ننتبهولو. حاجة اخرى لازم نعرفوها: الفيروس ما يقاومشي السخانة و يموت في حرارة بين 26 الى 27°... هاكا علا مهم ياسر انك تشرب كل يوم المشروبات الدافئة، كيما التاي، تيزانة، شربة، ولا باختصار، ماء دافي. السائل الدافئ يقضي على الفيروس و ماهوش صعيب اننا نستهلكوها مادام متوفرة. حاجة مهمة ياسر نار : ما تشربشي الماء البارد و ما تخليش ولادكم يشربو الثلج ولا ال glace خاصة للي يسكنوا في المرتفعات كيما عين دراهم، طبرقة، الكاف، تالة... ولا قدر الله كان شربت، عليك انك تستظهر قدام الشمس في اقرب وقت.
القاعدة الاولى: ال coronavirus كبير برشا في الحجم، عندو قطر بحوالي 500 nm. هذا يعني انو كل انواع les masques تنجم تحمينا منا، حتى مال les Bavettes!! يعني ايضا، انو في حياتنا اليومية، bavette وحدها تكفي للحماية عكس ما يشاع.
الحاجة هاذي ما تتطبقشي على اعوان الصحة، اللي معرضين اكثر لكمية كبيرة من الفيروسات، دونك لا بد من des masques spéciaux. فاذا كان واحد كح ولا عطس قدامك و هو ديجا مريض، و يقع على اكثر من 3 متر قدامك، الشي هذا خلي الفيروس يطيح اللوطة عالارض و دونك ما يوصلشي ليك. هاكا علا، مسافة الامان مهمة جدا لحماية انفسنا، ديما ابعد 3 ميترو.
القاعدة الثانية: وقت اللي الفيروس اكون على مواد معدنية، يعيش تقريبا 12 ساعة عليها! دونك لازم لازم، وقت لي تمس الباب و الا poignée متاع باب اللواجات مثلا، و لا الحديد متاع الدروج، و لا تهز كرسي ولا تمس الفلوس... لا بد من غسل الايادي بالما و الصابون! مش لعب يعني. القاعدة الثالثة: الفيروس انجم يقعد يعيش متخبي في الحوايج لمدة 6 الى 12 ساعة. ال produits متاع الغسيل العادية كيما الاومو كافية بش تقضي عليه. بالنسبة للحوايج اللي ما تنجمشي تغسلهم كل يوم، تنجم تنشرهم للشمس ولا تحطهم في السخانة اللي تنجم تقضي الفيروس. (وهاذي نصيحة لعايلات الزوز حالات متاع الكورونا في تونس) كيفاش يعيش الفيروس في بدن الانسان؟ الفيروس يوصل اول مرة لل gorge و يسبب التهاب الغادي و تحس ڨراجمك شايحة: العلامة هاذي تبقا من 3 الى 4 ايام. الفيروس يسافر بمساعدة الرطوبة اللي موجودة في المسالك التنفسية، يهبط في القصبة الهوائية، و installe في الرواري وهو ما يسبب انتان رئوي. السفر هذا، يبقى من 5 الى 6 ايام.
الالتهاب الرئوي هذا، من علاماتو: السخانة العالية و صعوبة شديدة في التنفس و ما يشبه لحتى طرف للجريب العادية او ال rhume بتفصيل ادق. تنجم وقتها توصل انك تتخيل روحك انك قاعد تغرق من صعوبة التنفس. و وقتها ما عليك كان تهز التالفون و تطلب 190. ردوا بالكم تمشوا للاستعجالي! توا هوما اهزوكم! كيفاش ناقوا رواحنا مالفيروس
الانتقال اكون في اغلب الاحيان عن طريق اللمس المباشر للادوات و الملابس ولا حتى فلوس اللي فيهم ديجا الفيروس: دونك لازم تغسل يديك برشا مرات. علاش زعما؟ على خاطر الفيروس اعيش في يدك تقريبا 10 دقايق، اما في هالدرجين هاذم, برشا حاجات انجموا اصيروا: تنجم تحط ظوافرك ولا يدك في فمك، تحك عينيك، ولا خشمك مثلا و هكاكا تمكن الفيروس بش يدخل لبلاصتو المفضلة! دونك لحماية انفسكم و الآخرين، اغسلوا يديكم برشا مرات بالما و الصابون! وهاكم فهمتوا علاش!
من اخر الاكتشافات، تنجم تشلل ڨراجمك ب désinfectants اللي ينقص ولا يوصل يقضي على الفيروسات في ڨراجمك قبل ما يكمل ال voyage متاعو لرواريك!
عقم ال clavier و ال souris متاعك و تالفونك زادة، و ردوا بالكم خاصة مال boutons متاع ascenseur ولا متاع
distributeurs متاع البانكة! كان لزم البس gants ولا حط papier mouchoir ولوحها مبعد. في اللخر، ربي يحمي بلادنا!